మోడీకి ఒక్క రోజు 10 లక్షల మంది సబ్ స్క్రైబర్స్
న్యూఢిల్లీ, సెప్టెంబర్ 22, (న్యూస్ పల్స్)
భారత ప్రధాని నరేంద్ర మోదీకి సోషల్ మీడియాలో ఉన్న క్రేజ్ గురించి ప్రత్యేకించి చెప్పాల్సిన అవసరం లేదు. సోషల్ మీడియాలో ప్రపంచంలోని అత్యంత యాక్టివ్ లీడర్‌లలో ప్రధాని మోదీ కూడా ఒకరు. వాట్సాప్ ఇటీవల ప్రారంభించిన వాట్సాప్ ఛానెల్‌లలో ఇప్పుడు ప్రధాని మోదీ రికార్డు సృష్టించారు. వాట్సప్ యొక్క ఈ కొత్త ఫీచర్‌లో, మోదీ మొదటి రోజు 10 లక్షల కంటే ఎక్కువ మంది సబ్స్క్రైబర్లను పొందడం ద్వారా రికార్డు సృష్టించారు. ఈ లెక్కన ప్రధాని మోదీకి ఉన్న పాపులారిటీని మరోసారి రుజువు చేసింది.మోటా తాజాగా వాట్సప్ అనే కొత్త ఫీచర్‌ను లాంచ్ చేసింది. ఈ ఫీచర్ సహాయంతో, మీ స్వంత వాట్సప్ ఛానెల్‌ని క్రియేట్ చేయవచ్చు. దీని తర్వాత సాధారణ వినియోగదారులు మీ ఛానెల్‌లో చేరవచ్చు. ఇది కొంతవరకు టెలిగ్రామ్ లాంటిది.
అయితే, ఈ ఛానెల్‌లో నిర్వాహకులు మాత్రమే సందేశాలను పంపిస్తారు. సాధారణ వినియోగదారులు మాత్రమే ఆ సందేశాలకు ప్రతిస్పందించగలరు. సాధారణ వినియోగదారుల కోసం ఈ ఫీచర్ ఇంకా పూర్తిగా అందుబాటులోకి రాలేదు.ప్రధాని మోదీ సెప్టెంబర్ 19న వాట్సప్ ఛానెల్‌ల ఫీచర్‌లోకి ప్రవేశించారు. తొలిరోజే 10 లక్షలకు పైగా సబ్స్క్రైబర్లను పొందారు. ప్రధాని ఇప్పటి వరకు 14 లక్షల మంది సబ్స్క్రైబర్లను పూర్తి చేశారు. తన ఛానెల్‌లో మెసేజ్ లో కొత్త పార్లమెంటు భవనం చిత్రాన్ని పంచుకున్న మొదటి వ్యక్తి ప్రధాని మోదీ. మోదీ ఇలా వ్రాశారు..- “వాట్సప్ కమ్యూనిటీలో చేరడానికి సంతోషిస్తున్నాము.
ప్రజలతో కనెక్ట్ అవ్వడానికి ఇది ఒక కొత్త అడుగు. ఇక్కడ చేరుదాం. ఇది కొత్త పార్లమెంట్ హౌస్ నుండి తీసిన చిత్రం”.అంటూ రాశారు.దాదాపు అన్ని సోషల్ మీడియా ప్లాట్‌ఫామ్‌లలో పీఎం మోదీ చాలా పాపులర్. సోషల్ మీడియా ప్లాట్‌ఫామ్ ఎక్స్‌లో ప్రధాని మోదీకి 9 కోట్ల మంది ఫాలోవర్లు ఉన్నారు. అటు ఫేస్‌బుక్‌లో 5 కోట్ల మంది ఫాలో అవుతుండగా… ఇన్‌స్టాగ్రామ్‌లో 7 కోట్లకు పైగా ఫాలోవర్లను కలిగి ఉన్నారు. ఇదే కాకుండా PMకి YouTubeలో దాదాపు 18 లక్షల మంది సబ్‌స్క్రైబర్లు ఉన్నారు.
