Vivo : భారత్‌లో Vivo Y400 ప్రో లాంచ్: Android 15, 90W ఛార్జింగ్ హైలైట్స్! :ప్రముఖ చైనా స్మార్ట్‌ఫోన్ తయారీ సంస్థ వివో (Vivo), తన వై సిరీస్‌లో భాగంగా మరో సరికొత్త స్మార్ట్‌ఫోన్‌ను భారతీయ వినియోగదారుల కోసం విడుదల చేసింది. మిడ్-రేంజ్ 5G కనెక్టివిటీతో వస్తున్న వివో వై400 ప్రో (Vivo Y400 Pro) స్మార్ట్‌ఫోన్‌ను నేడు భారత మార్కెట్లో అధికారికంగా విడుదల చేసినట్లు కంపెనీ ప్రకటించింది.
వివో వై400 ప్రో: భారత మార్కెట్లోకి కొత్త 5G స్మార్ట్‌ఫోన్ విడుదల!
ప్రముఖ చైనా స్మార్ట్‌ఫోన్ తయారీ సంస్థ వివో (Vivo), తన వై సిరీస్‌లో భాగంగా మరో సరికొత్త స్మార్ట్‌ఫోన్‌ను భారతీయ వినియోగదారుల కోసం విడుదల చేసింది. మిడ్-రేంజ్ 5G కనెక్టివిటీతో వస్తున్న వివో వై400 ప్రో (Vivo Y400 Pro) స్మార్ట్‌ఫోన్‌ను నేడు భారత మార్కెట్లో అధికారికంగా విడుదల చేసినట్లు కంపెనీ ప్రకటించింది. గత సంవత్సరం వచ్చిన వివో వై300 ప్రో మోడల్‌కు ఇది అడ్వాన్స్‌డ్‌ వెర్షన్. ఈ కొత్త ఫోన్ మరింత అత్యాధునిక ఫీచర్లతో వస్తుంది.
ఈ స్మార్ట్‌ఫోన్ ఆండ్రాయిడ్ 15 ఆపరేటింగ్ సిస్టమ్‌తో పనిచేయనుండటం విశేషం. దీనిలో 6.77 అంగుళాల అమోలెడ్ (AMOLED) డిస్‌ప్లే అమర్చారు. శక్తివంతమైన మీడియాటెక్ డైమెన్సిటీ 7300 ప్రాసెసర్‌తో పాటు 50 మెగాపిక్సెల్ కెమెరా, వేగవంతమైన 90W ఫాస్ట్ ఛార్జింగ్ సపోర్ట్‌తో కూడిన 5500mAh బ్యాటరీ వంటి ఆకర్షణీయమైన ఫీచర్లు ఉన్నాయి.
8GB ర్యామ్, 128GB ఇంటర్నల్ స్టోరేజ్‌తో కూడిన బేస్ వేరియంట్ సుమారు రూ.25,000లకు అందుబాటులోకి రావచ్చని అంచనా. ఈ ధరతో మార్కెట్లో ఇప్పటికే ఉన్న వన్‌ప్లస్ నార్డ్ సీఈ4 (OnePlus Nord CE4), నథింగ్ ఫోన్ 3 (Nothing Phone 3), మోటరోలా ఎడ్జ్ 60 (Motorola Edge 60) వంటి మోడళ్లకు వివో వై400 ప్రో గట్టి పోటీనిస్తుందని టెక్ నిపుణులు భావిస్తున్నారు. వినియోగదారులను ఆకట్టుకునేందుకు ఈ ఫోన్ ఫెస్టివల్ గోల్డ్, ఫ్రీ స్టైల్ వైట్, నెబులా పర్పుల్ కలర్ వేరియంట్లలో లభ్యం కానుంది.
వివో వై400 ప్రో పూర్తి స్పెసిఫికేషన్లు
1.డిస్‌ప్లే: 6.77 అంగుళాల AMOLED, 120Hz రిఫ్రెష్ రేటు, 4500 నిట్స్ పీక్ బ్రైట్‌నెస్
2.ప్రాసెసర్: మీడియాటెక్ డైమెన్సిటీ 7300
3.ర్యామ్: 8GB వరకు
4.స్టోరేజీ: 256GB వరకు
5.కెమెరా: 50MP డ్యూయల్ రియర్ కెమెరా (Sony IMX882 సెన్సార్), 32MP ఫ్రంట్ కెమెరా
6.బ్యాటరీ: 5500mAh, 90W ఫాస్ట్ ఛార్జింగ్ సపోర్ట్
7.ఆపరేటింగ్ సిస్టమ్: ఆండ్రాయిడ్ 15 ఆధారిత ఫన్‌టచ్ 15 (Funtouch 15)
8.ఇతర ఫీచర్లు: 3D కర్వ్‌డ్ డిస్‌ప్లే, ఆప్టికల్ ఫింగర్‌ప్రింట్ సెన్సార్, 5G నెట్‌వర్క్ సపోర్ట్, IP65 డస్ట్ అండ్ వాటర్ రెసిస్టెన్స్, USB టైప్-C పోర్ట్
Read also:Stock Market : స్టాక్ మార్కెట్ అప్‌డేట్: లాభాలతో ప్రారంభమైన సూచీలు
