Niharika : నిహారిక కొణిదెల కొత్త సినిమా ప్రారంభం: సంగీత్ శోభన్ హీరోగా పింక్ ఎలిఫెంట్ పిక్చర్స్ ప్రొడక్షన్ నెం.2:మెగా డాటర్, నటి నిహారిక కొణిదెల తన సొంత నిర్మాణ సంస్థ పింక్ ఎలిఫెంట్ పిక్చర్స్ బ్యానర్‌పై మరో కొత్త చిత్రాన్ని ప్రారంభించారు. ప్రొడక్షన్ నెం.2గా తెరకెక్కుతున్న ఈ సినిమాలో యువ నటుడు సంగీత్ శోభన్ హీరోగా, నయన్ సారిక హీరోయిన్‌గా నటిస్తున్నారు.
మానస శర్మ దర్శకత్వంలో నిహారిక రెండో సినిమా: ఘనంగా ప్రారంభమైన పూజా కార్యక్రమం
మెగా డాటర్, నటి నిహారిక కొణిదెల తన సొంత నిర్మాణ సంస్థ పింక్ ఎలిఫెంట్ పిక్చర్స్ బ్యానర్‌పై మరో కొత్త చిత్రాన్ని ప్రారంభించారు. ప్రొడక్షన్ నెం.2గా తెరకెక్కుతున్న ఈ సినిమాలో యువ నటుడు సంగీత్ శోభన్ హీరోగా, నయన్ సారిక హీరోయిన్‌గా నటిస్తున్నారు. ఈ సినిమా బుధవారం నాడు హైదరాబాద్‌లోని అన్నపూర్ణ స్టూడియోస్‌లో పూజా కార్యక్రమాలతో లాంఛనంగా మొదలైంది.
ఈ ప్రారంభోత్సవ కార్యక్రమానికి పలువురు సినీ ప్రముఖులు హాజరై సందడి చేశారు. ప్రముఖ దర్శకులు నాగ్ అశ్విన్, ‘బింబిసార’ ఫేమ్ వశిష్ట, ‘మ్యాడ్’ ఫేమ్ కల్యాణ్ శంకర్ ముఖ్య అతిథులుగా విచ్చేసి చిత్ర యూనిట్‌కు శుభాకాంక్షలు తెలిపారు. ముహూర్తపు సన్నివేశానికి నాగ్ అశ్విన్ క్లాప్ కొట్టగా, వశిష్ట కెమెరా స్విచ్ ఆన్ చేశారు. తొలి షాట్‌కు కల్యాణ్ శంకర్ గౌరవ దర్శకత్వం వహించారు. ఈ చిత్రం ఫాంటసీ, కామెడీ అంశాలతో కూడిన వినోదాత్మక చిత్రంగా రూపొందనుంది.
ఈ సినిమాతో మానస శర్మ దర్శకురాలిగా పరిచయం అవుతున్నారు. చిత్రానికి సంబంధించిన రెగ్యులర్ షూటింగ్ జూలై 15 నుంచి హైదరాబాద్‌తో పాటు దాని పరిసర ప్రాంతాల్లో ప్రారంభం కానుంది. ఈ చిత్రంలో వెన్నెల కిశోర్, బ్రహ్మాజీ, తనికెళ్ల భరణి, ఆశిష్ విద్యార్థి, గెటప్ శీను తదితరులు కీలక పాత్రల్లో కనిపించనున్నారు.
అనుదీప్ దేవ్ సంగీతం అందిస్తుండగా, రాజు ఎడురోలు సినిమాటోగ్రఫీ బాధ్యతలు చేపట్టారు. త్వరలోనే సినిమా టైటిల్, ఇతర నటీనటులు, సాంకేతిక నిపుణుల వివరాలను అధికారికంగా ప్రకటిస్తామని చిత్ర బృందం పేర్కొంది. నిహారిక తన సొంత బ్యానర్ పై నిర్మించిన తొలి చిత్రం ‘కమిటీ కుర్రోళ్లు’ అనూహ్య విజయం సాధించింది. ఈ చిత్రానికి పలు పురస్కారాలతో పాటు విమర్శకుల ప్రశంసలు కూడా లభించాయి. ఆ ఉత్సాహంతోనే ఆమె తన రెండో చిత్రానికి శ్రీకారం చుట్టారు.
Read also:BRS : బనకచర్ల ప్రాజెక్టుపై బీఆర్‌ఎస్ రాజకీయ విమర్శలు: మంత్రి పయ్యావుల కేశవ్
