Telugu News eroju varthalu బ్రేకింగ్ న్యూస్ లైవ్ ఆంధ్రప్రదేశ్ న్యూస్ లైవ్

21న గగన్ యాన్

0

బెంగళూరు, అక్టోబరు 17, 

అంత‌రిక్షంలోకి వ్యోమ‌గాముల్ని పంపే గ‌గ‌న్‌యాన్ మిష‌న్‌ లో అక్టోబర్ 21న కీలక అడుగు ముందుకు పడనుంది. టీవీ-డీ1 టెస్ట్ ఫ్ల‌యిట్‌ను అక్టోబర్ 21వ తేదీన నిర్వ‌హించ‌నున్నారు. ఆ రోజున ఉద‌యం 7 గంట‌ల నుంచి 9 గంట‌ల మ‌ధ్య స‌మ‌యంలో ప‌రీక్ష చేప‌ట్టే అవ‌కాశాలు ఉన్న‌ట్లు ఇస్రో తెలిపింది. శ్రీహ‌రికోట‌లోని షార్ కేంద్రం నుంచి టీవీ-డీ1 టెస్ట్ ఫ్ల‌యిట్ నిర్వహించనున్నారు. క్రూ మాడ్యూల్‌ను అంతరిక్షంలోకి పంపడం.. ఆ తర్వాత సురక్షితంగా భూమికి తీసుకురావడానికి సంబంధించిన టెస్ట్ చేయనున్నారు. పీడ‌నం లేని క్రూ మాడ్యూల్‌లో వ్యోమ‌గాములను నింగిలోకి పంపించనున్నారు.

అయితే ప్రస్తుతం చేయనున్న పరీక్షల్లో ఈ క్రూ మాడ్యూల్‌ను అంతరిక్షంలోకి సురక్షితంగా పంపి.. అక్కడి నుంచి సేఫ్‌గా బంగాళాఖాతంలో ల్యాండ్ చేయనున్నారు. అక్కడి నుంచి ఇండియ‌న్ నేవీ ఆ మాడ్యూల్ మిష‌న్‌ను తీసుకురానున్న‌ట్లు ఇస్రో వెల్లడించింది. గ‌గ‌న్‌యాన్ ప్రాజెక్టులో కీల‌క‌మైన క్రూ మాడ్యూల్ ప‌రీక్ష‌కు ఇస్రో సిద్ద‌మైంది. క్రూ మాడ్యూల్ టీవీ-డీ1ను లాంచింగ్ కోసం ఇటీవ‌ల కాంప్లెక్స్‌కు తీసుకువచ్చింది. పీడ‌నం లేన‌టువంటి క్రూ మాడ్యూల్ లోనే వ్యోమ‌గాములు నింగిలోకి వెళ్తారు. ఈ ప‌రీక్ష స‌మ‌యంలో ఆ మాడ్యూల్ బంగాళాఖాతంలో ల్యాండ్ అవుతుంది. స‌ముద్రం నుంచి ఇండియ‌న్ నేవీ ఆ మాడ్యూల్ మిష‌న్‌ను భూమ్మీద‌కు తీసుకువ‌స్తుంది. టీవీ-డీ1మాడ్యూల్ నిర్మాణం తుది ద‌శ‌లో ఉంద‌ని, ఈ మాడ్యూల్ 17 కిలోమీట‌ర్ల ఎత్తుకు వెళ్లిన త‌ర్వాత‌ అబార్ట్ సీక్వెన్స్‌లో భాగంగా మ‌ళ్లీ భూమి మీద‌కు వ‌స్తుంద‌ని ఇస్రో తెలిపింది. పారాచూట్ల సాయంతో టీవీ-డీ1 దిగుతుంది. శ్రీహ‌రికోట నుంచి 10 కిలోమీట‌ర్ల దూరంలో ఉన్న స‌ముద్ర ప్రాంతంలో ఆ మాడ్యూల్ ల్యాండ్‌ కానుంది

Leave A Reply

Your email address will not be published.

Nidhi Agarwal in Harihara Veeramallu Movie | Nidhi Agarwal black saree Mahes Babu Birthday Poster From Gunturu kaaram Movie