డిఫరెంట్ కాన్సెప్ట్ సినిమాలను చేసే యువ కథానాయకుడు మెగా ప్రిన్స్ వరుణ్ తేజ్ హీరోగా బ్రిలియంట్ ఫిల్మ్ మేకర్ ప్రవీణ్ సత్తారు దర్శకత్వంలో రూపొందుతున్న చిత్రానికి ‘గాండీవధారి అర్జున’ అనే టైటిల్‌ను ఖ‌రారు చేశారు. గ‌త ఏడాది అక్టోబ‌ర్‌లో ఈ సినిమా షూటింగ్ ప్రారంభ‌మైంది. వరుణ్ తేజ్ పుట్టిన‌రోజు సంద‌ర్భంగా ఈ సినిమా మోష‌న్ పోస్ట‌ర్‌ను చిత్ర యూనిట్ విడుద‌ల చేసింది. పోస్ట‌ర్‌ను గ‌మనిస్తే మాస్క్ ధ‌రించిన మ‌నుషులు కొంద‌రు ఓ రాజ భ‌వ‌నంలోనికి ప్ర‌వేశించ‌టానికి ప్ర‌య‌త్నిస్తుంటారు.
అలాంటి సంద‌ర్భంలో బాంబుల మోత, గ‌న్ ఫైరింగ్ న‌డుమ వరుణ్ తేజ్ యాక్ష‌న్ మోడ్‌లో క‌నిపిస్తున్నారు. ఈ మోష‌న్ పోస్ట‌ర్ గ్లింప్స్‌లోనే ‘గాండీవధారి అర్జున’ అనే టైటిల్‌ను రివీల్ చేశారు. ఇందులో మ‌న మెగా ప్రిన్స్ సెక్యూరిటీ ఎక్స్‌ప‌ర్ట్‌గా న‌టిస్తున్నారు. ఎదుటి వారిని ప్ర‌మాదాల బారి నుంచి కాపాడే రోల్‌లో వరుణ్ తేజ్ న‌టించ‌టం వ‌ల్ల ఈ టైటిల్‌ను ఎంచుకున్న‌ట్లు తెలుస్తుంది.
