NarendraModi : జపాన్లో మోదీ పర్యటన: కొత్త పుంతలు తొక్కుతున్న భారత్-జపాన్ స్నేహం:జపాన్ పర్యటనలో ఉన్న భారత ప్రధాని నరేంద్ర మోదీ శనివారం ఆ దేశ ప్రధాని షిగెరు ఇషిబాతో కలిసి ప్రఖ్యాత షింకన్సెన్ (బుల్లెట్ ట్రైన్)లో ప్రయాణించారు. ఈ ప్రయాణంలో వారు సెండాయ్ నగరానికి చేరుకున్నారు. మోదీ తమ ప్రయాణానికి సంబంధించిన ఫోటోలను సోషల్ మీడియా ప్లాట్ఫామ్ Xలో పంచుకున్నారు.
జపాన్లో మోదీ పర్యటన
జపాన్ పర్యటనలో ఉన్న భారత ప్రధాని నరేంద్ర మోదీ శనివారం ఆ దేశ ప్రధాని షిగెరు ఇషిబాతో కలిసి ప్రఖ్యాత షింకన్సెన్ (బుల్లెట్ ట్రైన్)లో ప్రయాణించారు. ఈ ప్రయాణంలో వారు సెండాయ్ నగరానికి చేరుకున్నారు. మోదీ తమ ప్రయాణానికి సంబంధించిన ఫోటోలను సోషల్ మీడియా ప్లాట్ఫామ్ Xలో పంచుకున్నారు. సెండాయ్కు చేరుకున్న మోదీకి అక్కడి ప్రవాస భారతీయులు, స్థానికులు “మోదీ-సాన్, స్వాగతం!” అంటూ నినాదాలతో ఘనంగా స్వాగతం పలికారు.
జపాన్తో సంబంధాలను కేవలం జాతీయ స్థాయిలోనే కాకుండా, ప్రాంతీయ స్థాయికి కూడా విస్తరించడానికి ప్రధాని మోదీ కీలక అడుగులు వేశారు. ఈ పర్యటనలో ఆయన టోక్యోలోని 16 జపాన్ ప్రిఫెక్చర్ల (రాష్ట్రాలు) గవర్నర్లతో సమావేశమయ్యారు. భారత్-జపాన్ స్నేహంలో రాష్ట్రాలు, ప్రిఫెక్చర్ల మధ్య సహకారం చాలా ముఖ్యమని ఈ సందర్భంగా మోదీ అన్నారు. దీని కోసం 15వ భారత్-జపాన్ శిఖరాగ్ర సదస్సులో భాగంగా “రాష్ట్ర-ప్రిఫెక్చర్ భాగస్వామ్య కార్యక్రమాన్ని” ప్రారంభించినట్లు తెలిపారు.
ఈ కొత్త కార్యక్రమం ద్వారా భారత రాష్ట్రాలు, జపాన్ ప్రిఫెక్చర్లు నేరుగా కలిసి పనిచేయడానికి వీలు కలుగుతుంది. వాణిజ్యం, పెట్టుబడులు, నైపుణ్యాభివృద్ధి, స్టార్టప్లు, చిన్న, మధ్య తరహా పరిశ్రమలు (SMEs) వంటి రంగాల్లో ఈ భాగస్వామ్యం ద్వారా అపారమైన అవకాశాలు ఉన్నాయని మోదీ పేర్కొన్నారు. ముఖ్యంగా స్టార్టప్లు, టెక్నాలజీ, ఆర్టిఫిషియల్ ఇంటెలిజెన్స్ (AI) వంటి ఆధునిక రంగాల్లో ఈ భాగస్వామ్యం ఇరు దేశాలకు ఎంతో ప్రయోజనకరంగా ఉంటుందని ఆయన చెప్పారు.
ఈ పర్యటనలో భాగంగా భారత్, జపాన్ మధ్య ఆర్టిఫిషియల్ ఇంటెలిజెన్స్ (AI), డిజిటల్ పార్ట్నర్షిప్ 2.0 వంటి కీలక రంగాల్లోనూ అవగాహన ఒప్పందాలు కుదిరాయి. ఈ ఒప్పందాలు టెక్నాలజీ, వ్యాపార రంగాల్లో ఇరు దేశాల మధ్య సహకారాన్ని మరింత బలోపేతం చేయనున్నాయి.
Read also:Metro : హైదరాబాద్ మెట్రో గణేష్ ఉత్సవ్ కోసం సేవలను పొడిగించింది
