DonaldTrump : ట్రంప్ పశ్చాత్తాపం: ఉక్రెయిన్ యుద్ధాన్ని ఆపలేకపోవడం తన వైఫల్యమే:అమెరికా అధ్యక్షుడు డొనాల్డ్ ట్రంప్ తాను ఇచ్చిన కీలక ఎన్నికల హామీని నెరవేర్చడంలో విఫలమయ్యానని బహిరంగంగా అంగీకరించారు. రష్యా-ఉక్రెయిన్ మధ్య కొనసాగుతున్న యుద్ధాన్ని ఆపలేకపోవడం తన పాలనలో అత్యంత కఠినమైన సమస్య అని ఆయన పేర్కొన్నారు.
ట్రంప్ పశ్చాత్తాపం
అమెరికా అధ్యక్షుడు డొనాల్డ్ ట్రంప్ తాను ఇచ్చిన కీలక ఎన్నికల హామీని నెరవేర్చడంలో విఫలమయ్యానని బహిరంగంగా అంగీకరించారు. రష్యా-ఉక్రెయిన్ మధ్య కొనసాగుతున్న యుద్ధాన్ని ఆపలేకపోవడం తన పాలనలో అత్యంత కఠినమైన సమస్య అని ఆయన పేర్కొన్నారు.
వైట్హౌస్లోని రోజ్ గార్డెన్లో కాంగ్రెస్ సభ్యులతో జరిగిన విందు సమావేశంలో ట్రంప్ ఈ వ్యాఖ్యలు చేశారు. రష్యా అధ్యక్షుడు వ్లాదిమిర్ పుతిన్తో తనకు ఉన్న సత్సంబంధాల వల్ల ఈ యుద్ధాన్ని చాలా సులభంగా ముగిస్తానని తాను మొదట భావించానని చెప్పారు. “నేను ఎన్నో యుద్ధాలను ఆపాను. కానీ అన్నింటికంటే సులభం అనుకున్న రష్యా-ఉక్రెయిన్ యుద్ధమే అత్యంత కఠినమైనదిగా మిగిలిపోయింది” అని ఆయన వ్యాఖ్యానించారు.
తాను అధికారంలోకి వచ్చాక ఏడు సుదీర్ఘ యుద్ధాలను ముగించానని, దశాబ్దాలుగా కొనసాగుతున్న కొన్ని అంతర్జాతీయ వివాదాలను కేవలం గంటల వ్యవధిలోనే పరిష్కరించగలిగానని ట్రంప్ తెలిపారు. కానీ, ఉక్రెయిన్ విషయంలో మాత్రం ఆశించిన ఫలితం రాలేదని వివరించారు.
గత ఏడు నెలల కాలంలో తాను చేసినంతగా ఎవరూ చేయలేదని ట్రంప్ పేర్కొన్నారు. 31 ఏళ్లుగా కొనసాగుతున్న ఒక ఘర్షణను రెండు గంటల్లో ముగించానని అన్నారు. అయితే, తాను అధ్యక్షుడిగా ఎన్నికైతే కేవలం 24 గంటల్లోనే రష్యా-ఉక్రెయిన్ యుద్ధానికి ముగింపు పలుకుతానని ట్రంప్ తన ప్రచారంలో పదేపదే హామీ ఇచ్చిన విషయం తెలిసిందే.
కానీ, అధికారం చేపట్టినా ఈ విషయంలో చెప్పుకోదగ్గ పురోగతి సాధించలేకపోవడం గమనార్హం.ఈ నెల ఆగస్టులో అలస్కాలో జరిగిన చారిత్రక సదస్సులో రష్యా, ఉక్రెయిన్ పక్షాలతో చర్చలు జరిపినా, ఎలాంటి అధికారిక ఒప్పందం కుదరలేదని సమాచారం.
Read also:Khairatabad Ganesh : ఖైరతాబాద్ మహాగణపతి నిమజ్జనం ఘనంగా ముగిసింది
