Tsunami : రష్యా భూకంపం: జపాన్ను తాకిన సునామీ అలలు, భారీ నష్టం:రష్యా తూర్పు ప్రాంతంలో సంభవించిన భారీ భూకంపం కారణంగా పసిఫిక్ మహాసముద్రంలో సునామీ అలలు ఎగిసిపడ్డాయి. ఈ అలలు జపాన్ తీరాన్ని తాకాయి. ఈ సునామీ ప్రభావంతో సముద్రంలో సంచరించే భారీ తిమింగలాలు తీరానికి కొట్టుకువచ్చాయి.
పసిఫిక్ సునామీ: జపాన్ తీరంలో తిమింగలాలు, విమానాశ్రయాలు మూసివేత
రష్యా తూర్పు ప్రాంతంలో సంభవించిన భారీ భూకంపం కారణంగా పసిఫిక్ మహాసముద్రంలో సునామీ అలలు ఎగిసిపడ్డాయి. ఈ అలలు జపాన్ తీరాన్ని తాకాయి. ఈ సునామీ ప్రభావంతో సముద్రంలో సంచరించే భారీ తిమింగలాలు తీరానికి కొట్టుకువచ్చాయి. జపాన్లోని చింబా తీరంలో నాలుగు భారీ తిమింగలాలు ఒడ్డుకు చేరాయి. ప్రస్తుతం ఈ తిమింగలాలకు సంబంధించిన వీడియోలు సోషల్ మీడియాలో వైరల్గా మారాయి.
సునామీ హెచ్చరికల నేపథ్యంలో ఫుకుషిమా డయీచీ అణుకేంద్రం నుంచి ఉద్యోగులను సురక్షిత ప్రాంతాలకు తరలించారు. పసిఫిక్ తీరంలోని పలు దీవులను కూడా సునామీ అలలు ముంచెత్తాయి. టొకచాయ్ పోర్టులో 40 సెంటీమీటర్ల ఎత్తు వరకు, హన్సంకి, ఎరిమో పట్టణాల్లో 30 సెంటీమీటర్ల మేర అలలు ఎగిసిపడ్డాయి. థోకు, కాంటో ప్రాంతాల్లోనూ భారీ అలలు కనిపించాయి. తీర ప్రాంతాల్లోని విమానాశ్రయాలకు జపాన్ ప్రభుత్వం అప్రమత్తత ప్రకటించింది. సెండాయ్ విమానాశ్రయాన్ని అధికారులు మూసివేసి విమానాలను దారి మళ్లించారు.
Read also:INCOIS : రష్యా భూకంపం: భారత్కు సునామీ ముప్పు లేదని INCOIS స్పష్టం!
