YouTubeDiet : యూట్యూబ్ డైట్తో యువకుడి మృతి: తమిళనాడులో విషాదం:బరువు తగ్గించుకునే ప్రయత్నంలో భాగంగా యూట్యూబ్ వీడియోలు చూసి కఠినమైన ఆహార నియమాలు పాటించిన 17 ఏళ్ల శక్తిశ్వరన్ అనే యువకుడు తమిళనాడులోని కొలాచెల్లో మృతి చెందాడు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.
యూట్యూబ్ డైట్ పాటిస్తూ యువకుడి మృతి: తమిళనాడులో విషాదం
బరువు తగ్గించుకునే ప్రయత్నంలో భాగంగా యూట్యూబ్ వీడియోలు చూసి కఠినమైన ఆహార నియమాలు పాటించిన 17 ఏళ్ల శక్తిశ్వరన్ అనే యువకుడు తమిళనాడులోని కొలాచెల్లో మృతి చెందాడు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. పోలీసుల విచారణలో దిగ్భ్రాంతికర విషయాలు వెలుగులోకి వచ్చాయి. శక్తిశ్వరన్ గత మూడు నెలలుగా యూట్యూబ్ ఛానెళ్లను అనుసరిస్తూ కఠినమైన ఆహార నియమాలు పాటిస్తున్నాడని గుర్తించారు. కుటుంబ సభ్యుల విచారణలో అతను కేవలం నీరు, పళ్ల రసాలు మాత్రమే తీసుకుంటూ ఆహారం పూర్తిగా మానేశాడని తెలిసింది.
శక్తిశ్వరన్ తల్లిదండ్రులు తెలిపిన వివరాల ప్రకారం, అతను ఆహార నియమాలు ప్రారంభించే ముందు ఎటువంటి వైద్య సలహాలు తీసుకోలేదు. కేవలం యూట్యూబ్ వీడియోల్లోని సూచనలనే అనుసరించాడు. బరువు తగ్గడానికి వ్యాయామం కూడా చేస్తూ కొన్ని మాత్రలు వాడుతున్నాడని వారు చెప్పారు. గురువారం శక్తిశ్వరన్ ఒక్కసారిగా ఊపిరి ఆడక ఇంట్లో కుప్పకూలిపోయాడు. కుటుంబ సభ్యులు వెంటనే అతన్ని ఆసుపత్రికి తరలించగా, అప్పటికే మృతి చెందినట్లు వైద్యులు ధృవీకరించారు. అతని మృతికి గల కారణాలు తెలుసుకోవడానికి పోలీసులు పోస్టుమార్టం నిమిత్తం మృతదేహాన్ని తరలించారు.
Read also:OTTBan : కేంద్రం కొరడా: 25 ఓటీటీ ప్లాట్ఫామ్లపై నిషేధం
