Pragathi : తెరపైనే కాదు, పవర్లిఫ్టింగ్లోనూ ఛాంపియన్! 50 ఏళ్ల వయసులో జాతీయ స్థాయిలో స్వర్ణ పతకం:టాలీవుడ్లో సహాయక పాత్రలతో తెలుగు ప్రేక్షకులకు సుపరిచితురాలైన నటి ప్రగతి, ఇప్పుడు క్రీడా రంగంలో తనదైన ముద్ర వేశారు. కేవలం నటనకే పరిమితం కాకుండా, 50 ఏళ్ల వయసులో పవర్లిఫ్టింగ్లో జాతీయ స్థాయి ఛాంపియన్గా నిలిచి అందరినీ ఆశ్చర్యపరిచారు.
నేషనల్ మాస్టర్స్ క్లాసిక్ పవర్లిఫ్టింగ్ ఛాంపియన్షిప్ 2025′ లో పాల్గొన్న ప్రగతి
టాలీవుడ్లో సహాయక పాత్రలతో తెలుగు ప్రేక్షకులకు సుపరిచితురాలైన నటి ప్రగతి, ఇప్పుడు క్రీడా రంగంలో తనదైన ముద్ర వేశారు. కేవలం నటనకే పరిమితం కాకుండా, 50 ఏళ్ల వయసులో పవర్లిఫ్టింగ్లో జాతీయ స్థాయి ఛాంపియన్గా నిలిచి అందరినీ ఆశ్చర్యపరిచారు. కేరళలో జరిగిన ‘నేషనల్ మాస్టర్స్ క్లాసిక్ పవర్లిఫ్టింగ్ ఛాంపియన్షిప్ 2025’ లో పాల్గొన్న ప్రగతి, అద్భుతమైన ప్రదర్శనతో ఏకంగా స్వర్ణ పతకాన్ని సాధించారు. అంతేకాకుండా మరో రెండు విభాగాల్లోనూ పతకాలు గెలుచుకున్నారు. గత సంవత్సరం సౌత్ ఇండియా పవర్లిఫ్టింగ్ ఛాంపియన్షిప్లో రజత పతకం సాధించిన ఆమె, ఈసారి జాతీయ స్థాయిలో స్వర్ణం గెలిచి తన పట్టుదలను నిరూపించుకున్నారు.
ఈ ఛాంపియన్షిప్లో ప్రగతి స్క్వాట్లో 115 కిలోలు, బెంచ్ప్రెస్లో 50 కిలోలు, డెడ్లిఫ్ట్లో 122.5 కిలోల బరువులు ఎత్తి తన సత్తా చాటారు. ఈ విజయంపై ఆమె సోషల్ మీడియాలో తన ఆనందాన్ని పంచుకుంటూ, “నా అభిరుచి, క్రమశిక్షణే ఈ విజయానికి కారణం. నాకు అండగా నిలిచిన ప్రతి ఒక్కరికీ, ముఖ్యంగా నా కోచ్ కౌశిక్కు ప్రత్యేక ధన్యవాదాలు” అని పోస్ట్ చేశారు. 50 ఏళ్ల వయసులోనూ ప్రగతి సాధించిన ఈ విజయంపై అభిమానులు, సినీ ప్రముఖులు ప్రశంసల వర్షం కురిపిస్తున్నారు. ఆమె విజయం ఎందరికో స్ఫూర్తిదాయకమని కొనియాడుతూ అభినందనలు తెలుపుతున్నారు.
Read also:Trade : రష్యా నుంచి చమురు కొనుగోలుపై భారత్పై అమెరికా ఆంక్షలు
