- కార్తీక్ ఆర్యన్ ఇంట్లో జరిగిన గణేశ్ పూజలో శ్రీలీల
- కార్తీక్ ఆర్యన్, శ్రీలీల మధ్య ప్రేమాయణం.. పెళ్లికి రెడీనా?
బాలీవుడ్ యువ నటుడు కార్తీక్ ఆర్యన్ మరియు టాలీవుడ్ హీరోయిన్ శ్రీలీల మధ్య ప్రేమాయణం నడుస్తోందన్న వార్తలు మరింత జోరందుకున్నాయి. ఇటీవలే ముంబైలో కార్తీక్ ఆర్యన్ నివాసంలో జరిగిన గణేష్ వేడుకల్లో శ్రీలీల తన కుటుంబంతో కలిసి పాల్గొనడంతో ఈ ఊహాగానాలకు బలం చేకూరింది. ఇరు కుటుంబాలు కలసి పండుగ చేసుకోవడం ఇండస్ట్రీ వర్గాల్లో హాట్ టాపిక్గా మారింది.
ప్రస్తుతం వీరిద్దరూ అనురాగ్ బసు దర్శకత్వంలో ఓ ప్రేమకథా చిత్రంలో కలిసి నటిస్తున్నారు. ఈ సినిమా షూటింగ్ మొదలైనప్పటి నుంచి వీరిద్దరి మధ్య స్నేహం కంటే ఎక్కువే ఉందని పుకార్లు వినిపిస్తున్నాయి. ఈ నేపథ్యంలో కార్తీక్ ఇంట్లో శ్రీలీల తన కుటుంబంతో కలిసి కనిపించడం ఈ పుకార్లను నిజం చేస్తోంది. ఈ వేడుకలో ఇద్దరూ తెలుపు రంగు దుస్తులు ధరించి ఒకరికొకరు జోడీగా కనిపించారు. ఇరు కుటుంబాలు కలిసి దిగిన ఫోటోలు ఇప్పుడు సోషల్ మీడియాలో వైరల్ అవుతున్నాయి.
గతంలో కార్తీక్ తల్లి మాల తివారీ “నా కొడుక్కి కోడలిగా ఓ మంచి డాక్టర్ రావాలి” అని చెప్పిన వ్యాఖ్యలను నెటిజన్లు ఇప్పుడు గుర్తుచేసుకుంటున్నారు. వృత్తిరీత్యా శ్రీలీల ఎంబీబీఎస్ పూర్తి చేసిన డాక్టర్ కావడంతో, కార్తీక్ తల్లి కోరుకున్న కోడలు ఈమెనే అంటూ అభిమానులు కామెంట్లు పెడుతున్నారు.
కుటుంబాలు ఇలా పండుగ వేళ కలుసుకోవడంతో వీరి బంధం పెళ్లి వరకు వెళ్తుందనే ప్రచారం జోరుగా సాగుతోంది. అయితే, ఇప్పటి వరకు వీరిద్దరూ ఈ వార్తలపై అధికారికంగా స్పందించలేదు. అయినప్పటికీ, ఇలాంటి కుటుంబ కార్యక్రమాల్లో కలిసి కనిపించడం వారి మధ్య ఏదో బలమైన బంధం ఉందని స్పష్టం చేస్తోంది.
Read also:Telangana : బతుకమ్మ చీరల పంపిణీలో తెలంగాణ ప్రభుత్వం కొత్త విధానం
