BCCI : బీసీసీఐ సెలక్షన్ కమిటీలలో మార్పులు: కొత్తవారికి ఆహ్వానం:భారత క్రికెట్ నియంత్రణ మండలి (బీసీసీఐ) కీలక నిర్ణయం తీసుకుంది. జాతీయ క్రికెట్ సెలక్షన్ కమిటీలలో ఖాళీగా ఉన్న పోస్టుల భర్తీకి దరఖాస్తులను ఆహ్వానిస్తున్నట్లు ప్రకటించింది. సీనియర్ పురుషుల, మహిళల, జూనియర్ సెలక్షన్ కమిటీలలో ఈ ఖాళీలను భర్తీ చేయనుంది.
బీసీసీఐ సెలక్షన్ కమిటీలలో మార్పులు: కొత్తవారికి ఆహ్వానం
భారత క్రికెట్ నియంత్రణ మండలి (బీసీసీఐ) కీలక నిర్ణయం తీసుకుంది. జాతీయ క్రికెట్ సెలక్షన్ కమిటీలలో ఖాళీగా ఉన్న పోస్టుల భర్తీకి దరఖాస్తులను ఆహ్వానిస్తున్నట్లు ప్రకటించింది. సీనియర్ పురుషుల, మహిళల, జూనియర్ సెలక్షన్ కమిటీలలో ఈ ఖాళీలను భర్తీ చేయనుంది. ప్రస్తుతం అజిత్ అగార్కర్ నేతృత్వంలోని సీనియర్ పురుషుల సెలక్షన్ కమిటీలో రెండు స్థానాలు ఖాళీ కానున్నాయి. ఈ కమిటీలో అగార్కర్తో పాటు ఎస్ఎస్ దాస్, సుబ్రతో బెనర్జీ, అజయ్ రాత్రా, ఎస్. శరత్ ఉన్నారు. సెలక్టర్ల కాంట్రాక్టును ఏటా పునరుద్ధరిస్తామని, ఎవరి స్థానంలో కొత్తవారిని నియమిస్తారనే విషయంపై త్వరలోనే స్పష్టత వస్తుందని బీసీసీఐ అధికారి ఒకరు తెలిపారు. ఇటీవల ఆసియా కప్ కోసం భారత జట్టును ఎంపిక చేసింది ఈ కమిటీనే.
సెలక్టర్ల పోస్టులకు అర్హత ప్రమాణాలలో ఎలాంటి మార్పులు లేవు. అభ్యర్థులు కనీసం ఏడు టెస్టు మ్యాచ్లు లేదా 30 ఫస్ట్-క్లాస్ మ్యాచ్లు ఆడి ఉండాలి. లేదా, 10 వన్డే ఇంటర్నేషనల్స్ (ODI) లేదా 20 ఫస్ట్-క్లాస్ మ్యాచ్లు ఆడిన వారు కూడా దరఖాస్తు చేసుకోవచ్చు.మరోవైపు, నీతూ డేవిడ్ నేతృత్వంలోని మహిళల జాతీయ సెలక్షన్ కమిటీలో నాలుగు స్థానాల భర్తీకి బీసీసీఐ నోటిఫికేషన్ విడుదల చేసింది. అండర్-22 స్థాయి వరకు జట్లను ఎంపిక చేసే జూనియర్ సెలక్షన్ కమిటీలో కూడా ఒక సభ్యుడి స్థానం ఖాళీగా ఉంది. ఆసక్తిగల అభ్యర్థులు తమ దరఖాస్తులను సెప్టెంబర్ 10వ తేదీలోగా సమర్పించాలని బోర్డు సూచించింది.
Read also:PrakasamBarrage : కృష్ణా నదికి పోటెత్తిన వరదలు: ప్రకాశం బ్యారేజీ వద్ద తొలి ప్రమాద హెచ్చరిక
