NarendraModi : ప్రధానిగా నరేంద్ర మోదీ సరికొత్త రికార్డులు:ప్రధాని నరేంద్ర మోదీ అనేక రికార్డులను అధిగమించి కొత్త చరిత్రను సృష్టించారు. దేశానికి అత్యధిక కాలం నిరంతరాయంగా సేవలు అందించిన ప్రధానుల జాబితాలో ఆయన రెండో స్థానంలో నిలిచారు.
ప్రధానిగా నరేంద్ర మోదీ సరికొత్త రికార్డులు
ప్రధాని నరేంద్ర మోదీ అనేక రికార్డులను అధిగమించి కొత్త చరిత్రను సృష్టించారు. దేశానికి అత్యధిక కాలం నిరంతరాయంగా సేవలు అందించిన ప్రధానుల జాబితాలో ఆయన రెండో స్థానంలో నిలిచారు. ప్రధానమంత్రిగా నరేంద్ర మోదీ ఈ రోజు (జూలై 25, 2025) 4,078 రోజులు పూర్తి చేసుకుని, దేశానికి అత్యధిక కాలం నిరంతరాయంగా సేవలు అందించిన ప్రధానిగా ఇందిరా గాంధీ పేరిట ఉన్న రికార్డును అధిగమించారు.
ఇందిరా గాంధీ 1966 జనవరి 24 నుండి 1977 మార్చి 24 వరకు 4,077 రోజులు ప్రధానిగా పనిచేశారు. దేశంలో అత్యధిక కాలం ప్రధానిగా పనిచేసిన వ్యక్తి దివంగత జవహర్లాల్ నెహ్రూ. నరేంద్ర మోదీ తొలిసారిగా 2014 మే 26న ప్రధానిగా బాధ్యతలు స్వీకరించారు. ఆ తర్వాత 2019, 2024 లోక్సభ ఎన్నికల్లో బీజేపీని అధికారంలోకి తీసుకొచ్చారు. దీనితో వరుసగా మూడు లోక్సభ ఎన్నికల్లో తమ పార్టీని విజయపథంలో నడిపించిన ఘనత నెహ్రూ మరియు మోదీలకు దక్కింది.
కాంగ్రెసేతర ప్రధానిగా ఘనతలు
1.స్వాతంత్య్రం తర్వాత జన్మించి అత్యధిక కాలం ప్రధానిగా పనిచేసిన కాంగ్రెసేతర వ్యక్తిగా మోదీ రికార్డుకెక్కారు.
2.లోక్సభలో రెండుసార్లు పూర్తిస్థాయి మెజార్టీతో అధికారంలోకి వచ్చిన కాంగ్రెసేతర పార్టీ నేతగా కూడా ఆయన చరిత్ర సృష్టించారు.
3.ఇందిరా గాంధీ (1971) తర్వాత అత్యధిక మెజార్టీతో అధికారం చేపట్టిన ప్రధానిగా నిలిచారు.
మోదీకి ముఖ్యమంత్రిగా, ప్రధానిగా దీర్ఘకాలం కొనసాగిన అరుదైన ఖ్యాతి ఉంది. 2001 అక్టోబర్ 7న తొలిసారి గుజరాత్ ముఖ్యమంత్రి అయిన మోదీ, 2014లో ప్రధాని అయ్యేవరకు ఆ పదవిలో కొనసాగారు. అప్పటి నుంచి ఆయన ప్రధానిగా బాధ్యతలు నిర్వహిస్తున్నారు.
గుజరాత్ ముఖ్యమంత్రిగా 2002, 2007, 2012 ఎన్నికల్లో బీజేపీని గెలిపించారు. అదేవిధంగా 2014, 2019, 2024 లోక్సభ ఎన్నికల్లో ప్రధాని అభ్యర్థిగా కమలం పార్టీని అధికారంలోకి తీసుకొచ్చారు. దీనితో దేశంలో ముఖ్యమంత్రులు, ప్రధానమంత్రులందరిలో వరుసగా ఆరు ఎన్నికల్లో ఒక పార్టీ పక్ష నేతగా ఎన్నికైన ఏకైక నాయకుడిగా నరేంద్ర మోదీ రికార్డు సృష్టించారు.
Read also:IndianChess : చెస్ సంచలనం కోనేరు హంపి – ఫైనల్లో దివ్య దేశ్ముఖ్తో ఢీ!
